亞拉丁?

唔知係唔係早幾日看完動畫亞拉丁,有日QB媽叫QB寫D數目字,
QB就問, 係咪寫亞拉丁數字呀?
笑死!!

信邊個?

有日我問qb，妳信唔信天父，耶蘇架?
佢隔左三秒之後話，我信達爾文。。。

天堂~

有人qb無啦啦問我，但死左會上天堂，咁個天堂會唔會塌架?

串咀~

咁QB朝朝都會飲杯A+的, 咁有一朝我同佢講, QB呀一陣飲杯奶呀(當時是未沖的),
跟住佢爆一句話: "都未沖!飲咩呀?飲空氣呀!!"

當堂啤一聲!!!

師傅~

今日同qb看戲，布公仔，回家坐巴士返去，我地坐上層，落車時都好急下，咁我就手拖住qb隻手話快d啦，快d落車啦，跟住qb跟住我係巴士上層快步落，跟住qb突然彈左句：師傅，等埋呀！我同嫲面笑爆，一個三歲細路，竟然識講呢d野，我地真係覺得超攪笑！

刷牙~

有一朝, 同QQ刷牙, 有時我會幫佢唧牙膏, 佢自己係有一支小朋友牙膏的, 咁果朝一早起身, 自己都未回魂, 咁幫佢唧左牙膏,  跟住就插入佢個口度刷, 刷唔夠5秒, 佢個口開始有泡時, QQ突然面容扭曲~跟住就大聲話: “好拿呀!!”

跟住我仲以為大力得制刷損佢, 或佢個口腔損左之類, 跟住我就再話, 一陣DADDY刷完牙, 幫妳檢查個口腔, 之後, 我想再插支牙刷入去時, 佢就再大聲話: “好拿呀”,  係我好奇之下~我都未插支牙刷入去, 點會拿架????後來發現: 原來我唧左我地大人用果D牙膏......................笑左!!!

駁咀~

有一次, 開左支奶 (臨訓前, 通常會比佢啜支奶), 係個廳度問佢: QQ, 妳今天想係邊度飲呀? 係梳化定係張床呀? (佢通常只會選這2個地方), 跟住佢就好平實咁答我: “係屋企!”.....吹帳!!